Këngëtarja e mirënjohur, Fjolla Morina kohët e fundit është pjesë e pandashme e mediave rozë.

Ajo po tregohet mjaft aktive në rrjete sociale, duke bërë postime të ndryshme publike lidhur me jetën e saj private.

Sot, artistja publikoi dy imazhe, në të cilat shihet mjaft e lumtur në krahët e personit të saj të zemrës, Fisnik Sylës.

Krahas postimit që bëri në instagram për 422 mijë ndjekësit e saj, artistja shkroi: Vendi më i lumtur në tokë është me ty.

Ndërkohë, ditë më parë, këngëtarja ka bërë një dedikim për djalin që i ka rrëmbyer zemrën.

“Thonë që ‘në dashuri fiton kush ikën’. Nuk është e vërtetë. Në dashuri fiton ai/ajo që rri. Dashuria nuk është e lehtë! Në dashuri duhet të dish të ndash dhimbjen, pasionin, vuajtjet. Ndonjëherë dashuria vë në dyshim gjithçka që ti ke besuar por kur dashuria është e vërtetë atëherë ajo është ne gjendje te superoj çdo vështirësi çdo pengesë sepse dashuria fiton mbi gjithçka. Ne në çdo pengesë fituam njëri-tjetrin. Të dua”, ka shkruar Fjolla Morina, krahas fotografisë në të cilën shihej pranë të dashurit.

Ndryshe, Fjolla Morina që nga muaji shtator po vuan dënimin e vendosur nga gjykata “arrest shtëpie”, pasi në makinën e saj janë gjetur dy pistoleta./orainfo/